Donostiako CEBANC Lanbide Heziketako Zentroa izan da gaur Euskadiko Patata Tortillaren II. Txapelketaren Gipuzkoako finalerdiaren eszenatokia. Lehiaketa honek gure sukaldaritza tradizioaren eta sormen gastronomikoaren arteko uztarketa goraipatzen du, plater enblematiko bati balioa emanez: patata tortilla.
Txapelketa honek, tradizioa eta berrikuntza uztartuz, Gipuzkoako eta Arabako Foru Aldundien Turismo Sailen babesa du, eta hainbat enpresa babesleren laguntza: 18/70 (Heineken), Coren, Udapa, Makro eta Mundukuona, besteak beste. Horrez gain, ostalaritza eskolak, sukaldaritza elkarteak eta Alicante Gastronómica bezalako azokak ere parte hartzen dute.
Finalerdietan, Roberto Ruiz, Pablo Loureiro (Cebanc Alumni), Paloma Enriquez (Cebanceko zuzendari orokorra) Josema Azpeitia eta beste hainbat profesional osatutako epaimahaiak bi kategoriatan aurkeztutako tortillak baloratu zituen: ohiko tortilla eta “Con” tortilla, osagai librea gehituta.
Gipuzkoako sailkapena – Ohiko tortilla:
- Izarraitz (Donostia)
- Goiherri (Legazpi)
- Aitube (Urretxu)
- La Taberna de Egia (Donostia)
Gipuzkoako sailkapena – “Tortilla con”:
- Arantxa (Ormaiztegi)
- La Taberna de Egia (Donostia)
- Kapadokia (Donostia)
- Bai Bidea (Zumaia) / Mamistegi (Donostia) – berdinketa teknikoa
Final handia apirilaren 26an ospatuko da Donostiako Garbera Merkataritza Gunean, eta bertan hiru lurraldeetako tortilla onenak lehiatuko dira. Final honetan erabakiko da Euskadi ordezkatuko duen sukaldaria zein izango den, 2025eko urrian Alicante Gastronómica azokan egingo den estatuto Patata Tortillaren Txapelketan.
Euskal Autonomia Erkidegoan egunero 50.000 tortilla baino gehiago egiten direla kontuan hartuta, lehiaketa honek balioa ematen dio gure kultura gastronomikoari, turismoari eta nortasunari.
