CEBANC-ek eta Zumarragak Antio-Antioko Interpretazio Zentroan aurkeztu dituzte gaur Gipuzkoako udalerrian emango diren hiru ikastaroak. Jardunaldien ardatz nagusia ongizate integrala eta jasangarritasuna izango dira, eta Eusko Jaurlaritzak guztiz finantzatutako eta 55 urtetik gorako pertsonentzako bideratuta dagoen "Etengabeko Ikaskuntza" programaren parte dira.
Kote Bernal, CEBANC-eko Merkataritza, Komunikazio eta Zerbitzuetako zuzendaria, Arantxa González, Zumarragako Gizarte Ongizate eta Berdintasun Arloko zinegotzia eta Paula Domenico, Mindfulness eta Counselling ikastaroetako irakaslea, prentsaurrekoan izan dira.
Zumarragan emango diren ikastaroak honako hauek dira:
- Birziklatze sortzailearen tailerra. Upcycling art
- Mindfulness erlazionala gizarte-ongizatea hobetzeko
- Laguntza-harremana. Counselinga
Sormenezko birziklatze tailerra apirilaren 11n hasi eta maiatzaren 23an amaituko da eta El Salvador Gizarte Etxean izango da. Klaseak ostiralero izango dira, 16:00etatik 21:00etara. Jardunaldiak egun hauetan ospatuko dira: apirilaren 11n eta 25ean eta maiatzaren 2,9, 16 eta 23an. Sara Galanek zuzenduko ditu saioak.
Mindfulness klaseak Zelai Arizti kultur etxean izango dira. Maiatzaren 6an hasi eta 27an amaituko dira. Jardunaldiak maiatzaren 6an, 8an, 13an, 15ean, 20an, 22an eta 27an egingo dira, 17:00etatik 19:30era. Irakaslea Paula Domenico izango da eta azken klaseak hiru ordu eta erdi iraungo du.
Counselling ikastaroa maiatzaren 12an irekiko da eta ekainaren 4an amaituko da. Gure Txoko gizarte etxean egingo da. Eskolak maiatzaren 12, 14, 19, 21, 26 eta 28an eta ekainaren 2 eta 4an izango dira. Paula Domenicok zuzenduko du ikastaroa.
Tailer guztiak gutxienez zortzi lagunentzat eta gehienez 15entzat dira.
